Reforma në Drejtësi - Takimi i parë i grupeve punuese për bashkëpunim ndër-institucional
Në ditën e
sotme u mbajt takimi i parë i grupeve punuese për Reformën në Drejtësi në
Kosovë, në të cilin morën pjesë përfaqësues nga Këshilli Gjyqësor i Kosovës
(KGJK), Këshilli Prokurorial i Kosovës (KPK), Ministria e Drejtësisë (MD) dhe
përfaqësues ndërkombëtarë.
Në këtë
takim u diskutua rëndësia e bashkëpunimit ndër-institucional në kuadër të
reformës në drejtësi dhe u arritën marrëveshje për afatet optimale dhe fillimin
e punës për të përmbushur obligimet e përcaktuara në Deklaratën për Reformën në
Drejtësi. Ministra e Drejtësisë, Albulena Haxhiu, vlerësoi mbështetjen e
partnerëve ndërkombëtarë në këtë iniciativë dhe njoftoi për përfshirjen e
shoqërisë civile në këtë reformë.
Zëvendës
Kryesuesi i KGJK-së, Qerim Ademaj dhe Zëvendës Kryesuesi i KPK-së, Veton
Shabani, bënë thirrje për të gjithë anëtarët e grupeve punuese, që të vazhdojnë
frymën e bashkëpunimit dhe të japin kontributin e tyre në këtë proces, me
qëllim që të realizohen aktivitetet në afatet e parapara, me mbështetjen e
partnerëve zhvillimorë sipas Planit të Veprimit.
Ky proces do
të përfshijë gjashtë grupe punuese dhe është pjesë e zotimeve të Deklaratës së
përbashkët të Ministrit të Drejtësisë, Këshillit Gjyqësor të Kosovës, Këshillit
Prokurorial të Kosovës, Gjykatës Supreme dhe Zyra e Prokurorit të Shtetit. Kjo
reformë do të ndikojë thelbësisht në sistemin e drejtësisë në Kosovë dhe është
një hap i rëndësishëm përpara në sigurimin e një sistemi më të drejtë dhe më të
besueshëm për të gjithë qytetarët.
0 Comments