Qëllimi i hartimit të aktit normativ: Përmes kësaj
rregullore synohet të përcaktohen procedurat e certifikimit të interpreteve dhe
përkthyesve gjyqësor, përfshirë, kriteret, shpalljen e konkursit, aplikimin,
përzgjedhjen preliminare, vlerësimin dhe shpalljen e rezultateve të provimit me
shkrim, si dhe të drejtën në ankesë.
Tutje, me këtë rregullore përcaktohet edhe kompensimi për përkthyes dhe interpretë
gjyqësor, largimi tyre nga regjistri, si
dhe e drejta e kërkesës së përkthyesit apo interpretit për rishikim të
vendimit të Këshilli për heqje/ revokim nga regjistri në Këshill.
Arsyetimi i aktit normativ:
Arsyeja e hartimit të Rregullore Nr. X/ 2023 për Certifikimin e
Përkthyesve dhe Interpreteve Gjyqësor, është tejkalimi i vështirësive dhe
dilemave që janë hasur gjatë procedurës së certifikimit të përkthyesve dhe
interpretove gjyqësor në praktikë gjatë
zbatimit të Rregullore Nr.07/2019
për Certifikimin e Interpreteve dhe Përkthyesve Gjyqësore dhe Rregullore
Nr. 02/2022 për Plotësimin dhe Ndryshimin e Rregullores Nr.07/2019 për
Certifikimin e Interpretëve dhe Përkthyesve Gjyqësor aktualisht në fuqi.
Me këtë rregullore synohet përmirësimi i cilësisë së
procedurës se certifikimit të përkthyesve dhe interpeteve gjyqësor, e cila do
të ndihmoj parandalimin e gabimeve të mundshme që nga fillimi i procedurës e
deri tek certifikimi i përkthyesve dhe interpreteve gjyqësor.
Më tej, rregullorja do të lehtësoj procesin e
certifikimit, i cili do të arrihet përmes dhënies së udhëzimeve
për kandidatët para nënshtrimit të provimit me shkrim dhe kjo do të ndihmoj në
përmirësimin e kohës së përgatitjes së tyre për të bërë provimin me shkrim.
Kohëzgjatja e konsultimit publik
Përmes procesit të konsultimeve me publikun, synohet
transparenca dhe ofrohet mundësia e pjesëmarrjes së publikut dhe palëve të
interesuara në procesin e hartimit të draft
Rregullore Nr. X/2023 për Certifikimin e Përkthyesve dhe Interpreteve
Gjyqësor.
Këshilli fton të gjithë profesionistët e interesuar
që të paraqesin komentet apo sugjerimet e tyre, për përmirësimin e draftit të
kësaj rregullore.
Kohëzgjatja e konsultimit publik është pesëmbëdhjetë
(15) ditë kalendarike, përkatësisht deri me 23 mars 2023.
Informatat në lidhje me personin kontaktues për
konsultim publik
Të gjithë
pjesëmarrësit e publikut dhe palët e interesuara mund t’i japin komentet dhe sugjerimet e tyre
brenda afatit të përcaktuar për konsultim publik për këtë draft rregullore, përmes postës
elektronike në këtë e-mail adresë: kgjk@rks-gov.net.
0 Comments