Çudia kosovare, në mungesë të punëtorëve – kompanitë po punësojnë edhe pensionistë

 

Shumë punëtorë të moshës 20 deri 40 vjeç po largohen nga Kosova, si shkak i kushteve dhe pagës së ulët, shkruan Kanal0.

Për rrjedhojë, në mungesë të punëtorëve kompanitë po detyrohen të punësojnë edhe pensionistë.

Kryetari i Sindikatës së Pavarur të Sektorit Privat, Jusuf Azemi për Kanal0 ka deklaruar se ka edhe shumë arsye të tjera se pse fuqia punëtore po largohet nga Kosova.

Sindikata, sipas Azemit, ka marrë të gjitha veprimet të cilat janë edhe të argumentuara dhe ka tërhequr vërejtjen pronarëve të kompanive që të krijojnë kushte më të mira për punëtorët e sektorit privat.

Ndërsa, Arian Vranica nga Shoqata e Gastronomëve ka thënë pwr Kanal10 se para dhe pas pandemisë, punëtorët po vazhdojnë të kenë problem me kontratat e punës, pagat e vogla dhe mos pagesa e kontributeve.

Bizneset dhe sindikatat thonë se pothuajse në të gjitha sektorët ka mungesë të punëtorëve, pasi që të rinjtë çdo ditë po migrojnë drejt vendeve evropiane./gazeta10