MAShTI publikon listën e 1799 studentëve përfitues të bursës elitare
Ministria e Arsimit, Shkencës, Teknologjisë dhe Inovacionit (MAShTI), ka publikuar sot listat e përfituesve të bursave elitare për studentët e universiteteve publike në programet Baçelor dhe Master për vitin akademik 2021-2022.
Për këtë vit akademik, kanë përfituar bursë 1799 studentë të dy niveleve të studimit, prej të cilëve 198 janë ndarë për studentët e Mjekësisë dhe 14 për studentët që kanë aplikuar në kategorinë e personave me nevoja të veçanta.
Shuma e bursës për vit akademik është 700 euro për secilin student, ndërsa vlera totale e shumës së bursave është 1.259.300 euro.
Kandidatët që kanë aplikuar për përfitim të bursës dhe nuk janë në listën e përfituesve, kanë të drejtë ankese në afat prej 7 ditësh, pas shpalljes së rezultateve. Ankesat dorëzohen në arkivin e MAShTI, kati përdhes, zyra nr. 4 dhe shqyrtohen nga Komisioni për ankesa dhe parashtresa i MAShTI-t.
Linqet e vendimeve:
https://masht.rks-gov.net/uploads/2021/12/vendim-per-perfituesit-e-bursave-per-vitin-akademik-2021-2022-01b-340.pdf
https://masht.rks-gov.net/uploads/2021/12/vendim-per-perfituesit-e-bursave-elitare-per-vitin-akademik-20212022-399-1.pdf
https://masht.rks-gov.net/uploads/2021/12/vendim-per-perfituesit-me-nevoja-te-vecanta-bursave-per-vitin-akadem.pdf
0 Comments