Kushtetuta është Bibla e Kurani ynë!

 

Juristi.blog: Kushtetuta është Bibla dhe Kurani ynë!

 

Ideja e kryenegociatorit të Bashkimit Evropian për të ndryshuar Kushtetutën në mënyrë që të akomodohet në të Asocacioni i Komunave me Shumicë Serbe, me idenë e tij tashmë të shumë përfolur se “Kushtetuta duhet të ndryshohet se nuk është Bibla...” duhet të kundërshtohet në mënyrë të fuqishme nga të gjithë, pa dallim.

Juristi.blog, konsideron se ndryshimi i Kushtetutës, në çdo rast Asocacionin do e bënte kategori kushtetuese dhe do e krijonte një pushtet të tretë i cili do të kishte fuqi ekzekutive dhe do e dërgonte vendin drejtë një destabiliteti dhe një ndasie edhe më të thellë.

Vendosja e Asocacionit në Kushtetutë, duke i dhënë kompetenca në gjyqësi, arsim e planifikim hapësinor do ishte dëmi më i madh që do i bëhej këtij shteti.

Juristi.blog, konsideron se në as një formë, nuk duhet të ndryshohet madje as një ligj i vetëm për të akomoduar asocacionin.

Gjykata Kushtetuese e ka konsideruar asocacionin se është në kundërshtim me frymën kushtetuese të vendit, madje ajo do të cenonte jo vetëm të drejtat e komunitetit shumicë shqiptar, por dhe edhe të komuniteteve tjera jo shqiptare.

Andaj, ajo që për Lajçakun nuk është Bibel, për ne është Bibla e Kurani, ajo nuk preket për kërkesat e Lajçakut, e as të Lajçakëve.

 

Juristi.blog.