Konkurs për zyrtarë ligjor ( Ministria e financave)

Ministria e Financave

Ministria e Financave, mbështetur në Ligjin nr. 03/L-149, “Për Shërbimin Civil në Republikën e Kosovës”, dhe Rregullores nr. 02/2010, “Për Procedurat e Rekrutimit në Shërbimin Civil”, me qëllim të realizimit të procedurave të rekrutimit për pozitat e caktuara, Shpallë këtë:

KONKURS

I. Departamenti Ligjor

Titulli i pozitës: Zyrtar Ligjor (3 pozita)
Numri i referencës : 08/2018/ DL/MF
Kategoria funksionale: Niveli profesional (2)
Koeficienti: 7

Detyrat dhe Përgjegjësit: 
• Sigurimi i pajtueshmërisë së akteve normative në fushëveprimin e Ministrisë së Financave me Kushtetutën e Republikës së Kosovës, me legjislacionin në fuqi në Kosovë dhe me standardet e hartimit të akteve normative, si dhe bashkëpunimi i procesit të hartimit të akteve normative konform legjislacionit në fuqi;
• Bashkëveprimi i trans pozimit të legjislacionit përkatës të BE-së në aktet normative në fushëveprimin e Ministrisë së Financave;
• Ofrimi asistencës juridike në procesin e negocimit dhe ratifikimit të marrëveshjeve
ndërkombëtare në fushëveprim e Ministrisë së Financave;
• Dhënia e opinioneve ligjore në fushëveprimin e Ministrisë së Financave dhe dhënia e këshillave dhe rekomandimeve ligjore për strukturat e Ministrisë së Financave bën hartimin e projekt marrëveshjeve, projekt vendimeve dhe projekt akteve të tjera;
• Hartimi i propozim vendimeve , propozimeve tjera dhe materialeve tjera të kërkuara nga menaxhmenti;
• Kryerja e detyrave të tjera të përcaktuara nga Udhëheqësi i divizionit, në përputhje me kompetencat e divizionit.

Kualifikimi, përvoja e punës dhe aftësitë:
• Njohuri në fushën e legjislacioni dhe të hartimit të akteve normative;
• Aftësi analitike, hulumtuese, vlerësuese dhe formulimin e rekomandimeve dhe këshillave profesionale;
• Aftësi për të krijuar marrëdhënie pune të shkëlqyeshme ndër- personale;
• Aftësi që çështjet e ndërlikuara të kuptohen , analizohen dhe përcillen në mënyrë efektive dhe të shpejt;
• Aftësi të mira për të përcaktuar prioritetin e detyrave të rëndësishme dhe aftësi për të punuar nën presion;
• Shkathtësi të mira programeve bazike kompjuterike;
• Njohuria e ë gjuhës angleze është obligative;
• Diplomë universitare- Fakulteti Juridik;
• Minimum 2 vite përvojë pune profesionale;

II. Divizioni për Raportim Financiar

Titulli i pozitës: Zyrtar i lart Ligjor (1 pozitë)
Numri i referencës : 08/2018- DRF-MF
Kategoria funksionale: Niveli profesional (3)
Koeficienti: 8

Detyrat dhe Përgjegjësit: 
• Harton planet e punës në pajtim me mbikëqyrësin për zbatimin e detyrave të përcaktuara në bazë të objektivave të divizionit për raportim financiar dhe jep rekomandime lidhur me realizimin objektivave të njësisë;
• Udhëheq grupet punuese në fushën profesionale specifike kur kërkohet dhe kryen detyra të specializuara në fushën specifike si dhe ndihmon stafin tjetër të institucionit në realizimin e detyrave dhe përgjegjësive të tyre;
• Në bashkëpunim me mbikëqyrësin përgatit agjendën për mbledhjet e KKRF dhe ua dërgon materialin dhe informata e nevojshme anëtareve të KKRF.
• Hartimi i ligjeve dhe akteve nënligjore si dhe aktet tjera juridike të cilat dalin nga fushe veprimtaria e Divizionit për raportim financiar në bazë të procedurave të përcaktuara sipas legjislacionit në fuqi;
• Është përgjegjës për përcjell ndryshimet e legjislacionit dhe pajtueshmërinë e projektligjeve dhe të akteve të tjera nënligjore me Kushtetutën dhe me legjislacionin në fuqi të Republikën e Kosovës;
• Dhënia e këshillave ligjore dhe jep rekomandime për këshillin Kosovar par raportim financiar ;
• Merr pjesë në mbledhjet e KKRF-se dhe mban procesverbalin e mbledhjeve, si dhe ndihmon komisionet e KKRF lidhur me procedurat administrative juridike;
• Bashkërendimi dhe ndërlidhja e punëve sipas nevojës me zyrtarët tjerë të Departamentit ligjor;
• Kryen edhe punë dhe detyra tjera te cilat mund të kërkohen kohë pas kohe nga mbikëqyrësi i drejtë për drejtë.

Kualifikimi, përvoja e punës dhe aftësitë:
• Njohuri të thellë dhe të specializuar në fushën profesionale specifike të fituar përmes arsimimit universitar dhe trajnimeve përkatëse;
• Njohuri të ligjeve dhe rregulloreve të aplikueshme;
• Aftësi për të krijuar marrëdhënie pune të shkëlqyeshme ndër-personale, dhe për të menaxhuar të tjerët;
• Njohuri të mira për të përcaktuar prioritetin e detyrave të rëndësishme;
• Shkathtësi në komunikim planifikim të punës dhe udhëheqje të ekipit;
• Shkathtësi hulumtuese, analitike, vlerësuese dhe formulim të rekomandimeve dhe këshillave profesionale;
• Shkathtësi kompjuterike në aplikacione të programeve (Word, Excel, Power Point, Access);
• Diploma e universitare në fushën e drejtësisë – fakulteti Juridik;
• Minimum 3 vite përvojë pune profesionale.

INFORMATË E PËRGJITHSHME PËR KANDIDATËT LIDHUR ME PROCEDURAT E KONKURIMIT
Ministria e Financave ofron mundësi të barabarta të punësimit për të gjithë shtetasit e Kosovës dhe mirëpret aplikacionet nga të gjitha komunitetet në Kosovë.
Komunitetet jo shumicë kanë të drejtë për përfaqësim të drejtë dhe proporcional në organet e shërbimit civil siç specifikohet në nenin 11, paragrafi 3 të Ligjit Nr. 03/L-149 për Shërbimin Civil të Republikës së Kosovës.
Aplikacionit duhet ti bashkëngjiten dokumentet përcjellëse si vijon: Formulari i plotësuar i aplikimit, Dëshminë për kualifikimet arsimore dhe profesionale ( diplomat e fituara jashtë vendit duhet të jenë të nostrifikuara nga MASHT-i), letërnjoftimin, Dëshminë e përvojës së punës dhe dy referenca.
Kërkesa për punësim mund të merret në recepcionin e ndërtesës së Qeverisë së Republikës së Kosovës (Sheshi Nëna Terezë p.n.). Formularin zyrtar për aplikim, mund ta gjeni edhe në Web faqen: https://mf.rks-gov.net/

Dokumentacioni duhet të dorëzohen në Divizionin e burimeve njerëzore, Ndërtesa e Qeverisë, kati i XII, zyra nr. 1207.
Përdorimi i formularit të gabueshëm dhe ai i pakompletuar me të dhënat e kërkuara do të konsiderohet i pavlefshëm.
Për shkak të numrit të madh të kërkesave të pranuara, vetëm kandidatët e përzgjedhur në listën e ngushtë do të kontaktohen.
Kandidatet e përzgjedhur në listën e ngushtë do ti nënshtrohen testimit me shkrim dhe intervistimit.
Kohëzgjatja e emërimit sipas LSHC, duke përfshirë periudhën e punës provuese 1 vjeçare.

Afati i konkurrimit është prej datës 21/04/ 2018 deri me datë 05/05/ 2018, deri në orën 16:00.
Konkursi është i hapur 15 ditë nga dita e publikimit.
Kërkesat e dërguara pas datës së fundit të konkurrimit nuk do të pranohen.
Për informata shtesë, ju lutemi telefononi në numrat: 038/200/34/196; 038 200 34 155;